مستر كي بيكري ارسل لي شيزكيك اللوتس لتجربتها
اللوتس من النكهات اللي حاليا صايره هبة بالكويت وقايم سوقها
الشيزكيك حجمها صغير حلوه حق يمعه صغيره
الجبن كان ترف وكمية اللوتس معقوله لا زياده ولا شويه
والطعم ككل كان لذيييذ
والشيزكيك كانت وااايد خفيفه
هذا حسابهم الانستغرام
وتقدرون تطلبون على رقمهم وعندهم طلبات جاهزة بنفس اليوم
90061143
كل الشكر عالشيزكيك الخفيف
مطعم ذا ميت كوالموجود في مجمع ٣٦٠
دعاني لتجربة المنيو الجديد بالمطعم
المطعم غير ديكوراته وجدده
وغير الستاف بالكامل وغير المنيو
واضاف اطباق جديده وقائمة مشروبات جديدة
وكان ايفينت الافتتاح سامبلز للاطباق
عينات صغيره كانابيه – او كبر اللقمة لتجربه اكثر من نوع
سلطة برغل
كون المشروم
سالمون وقطعه دجاج مقلي
سباغيتي
الصراحة ماقدر احكم عالمنيو الجديد هل اهو جديد او لا
لان اللي تقدم لنا بالافتتاح كان نماين وشغلات صغيره
هل بالحجم الاكبر طعمه نفسه؟ او كميته مناسبه ماعندي فكره
ذا ميت كو في مجمع ٣٦٠
مشكورين عالدعوة
مطعم المياس مطعم لبناني ارمني
بزيارتي للمطعم جربت الاطباق الارمنية اللي فيها طريقتهم الخاصة بتحضير الطبق
مكان المطعم في البدع القعدة جدا راقية
زرت المطعم من فتره طويله والى الان الاكل ما شاء الله الاكل مميز ولذيذ
بدينا بالمقبلات كالعادة بالمطاعم اللبنانية نحب مقبلاتهم وايد
ولازم نشكل من كل نوع طبق ويصير مشاركة بالاطباق
سلطة الفتوش وايد لذيذه مع صلصتهم الحااامضة
بطاطا حرة
متبل المياس
معاه شمندر مطحون وااايد لذيذ خاصه للي يحب الشمندر
حمص المياس معاه شويه فلفل سبايسي
ورق عنب
باذنجان باللبن
صلصه اللبن او الروب لذيييذه وحامضة
والباذنجان محشي بالعيش او الرز
عجييب هالطبق
سجق بالطماط
شيش برك
اهو عجين محشي باللحم مع صلصه الروب
واايد لذيييذ وناااطع
كباب بالكرز
متميزين فيه المطعم اذكر اول مطعم جربت فيه الكباب بالكرز من سنين ويظل افضل مطعم يقدمه
وايد لذيذ حامض حلو مالح مكس عجيييب
شيش طاووق
اخر شي ختمناها بالعثملية ومغطية بشعر البنات
الشكل واااو وطعمها لذييذ
لازم بكل مطعم لبناني نطلب جلاب وليمون بالنعناع
اللي وده بأكل ارمني نااطع ولذيذ انصحه فيه
اشكر مطعم المياس عالدعوة وعالاكل اللذييذ
مكان المطعم في البدع خلف فندق الرمال
تلفونهم
25761001 / 2
99994612
instagram: almayasskw
Filed under: Food, Food - International, Food - middleeast, sweets 
فايف ستريبس كنت كاتبه عنهم قبل فتره
اهم موقع متخصص بالكورن فليكس العضوي
متوفر عندهم اكثر من ٦٠ مكون عضوي صحي تقدر تختار منهم وتصنع خلطه الكورن فليكس الخاصه فيك اللي تناسب ذوقك
كلها بخطوات بسيطه بموقعهم
منزلين الحين علبه السناك فيها ٦ خلطات للسيريال او الحبوب او الكورن فليكس
العلبه حلوه للي محتار شنو يختار
ممكن يطلبها ويجرب اكثر من خلطه
وياخذ فكره عن مكوناتهم وطعمها شنو يفضله وممكن بعدين تخلط لك بالمستقبل على ذوقك
الغرانولا والفاكهه المجففه
كينوا بف وايد لذيذه وخفيفه
الفاكهه المجففه عندهم لذيذه غير فيها طعم واضح خاصه التوت المجفف لذيذ
وطرشولي خلطه السينامون بالتفاح المجفف
جني اكل ابل باي :)
خوش موقع بفكرته وبتفيذة وبفايدته
هذا موقعهم للي حاب يطلب له تشكيله حبوب صحيه ولذيذه للريوق ويغير عن كورن فليكس الجمعيات
وهذا بوستي السابق عنهم وعن نكهات اخرى
5 Stripes اصنع الكورن فليكس الاورغانيك الخاص فيك
كل الشكر عالنقصه الحلوة
مطعم ايتس من المطاعم الكويتية الشبابيه الجديده بالساحة
المطعم في المهبولة ضيعنا شوي بس الغوغل ماب مايقصر معانا وصلنا لعنده
دعونا اصحاب المطعم لتجربته ونقل تجربتنا لكم
المطعم امريكي شغل برغر وعندهم جم نوع باستا
المطعم صغير في داخله حوالي ٦ طاولات
بدينا بالمقبلات جربنا كل الانواع بالمنيو
ربيان ودياي كانت تشكيلة لذيذة ومتنوعه تناسب كل الاذواق من حلو ومالح وسبايسي وبارد
اجنحه الدجاج
دجاج بافلو سبايسي
ربيان بالعسل
اصابع دجاج مقرمش
الربيان الاسيوي
Mad Fries
بطاط مع جبن وبيكون بقري وفلفل طبق لذيذ
Mac n Cheese
كانت جيدة
Texan Burger
Eats Burger
برغر ايتس الكلاسيك كانت لذيذه
اللحم انجوس ونكته وايد حلوة
والبن يستخدمون البوتيتو بن
Black Magic
برغر بلاك ماجيك لون البن اسود وطعمها مثل اي صمونه بس لون
جدا ترررفه تذوووب
والمكونات بصل مكرمل مع فقع وجبن جوسيييه
كانت الذ برغر بالمطعم
شي لذيذ
وختمناها بكيكه القرع مع الكراميل المملح والايس كريم
صج صغيره بالحجم بس لذيييذه ماتصلح للمشاركه انصح كل واحد يطلب له وحده حقه بروحه :)
بداية قويه للمطعم الديكور بسيط ومودرن ويفتح النفس
واطباق البرغر لذيذه جدا
انصح فيه اذا كنتوا قراب من المهبوله
حاليا في الافتتاح التجريبي فاتحين من ٥ العصر الى ١ بالليل
66133006
وهذا موقعهم عالغوغل ماب
كل الشكر عالدعوة والاكل اللذيذ
كوكي دوف اهو كافيه متخصص بالكوكيز
ارسل لي علبه كوكيز بنكهات مختلفة
افضل نوع بالنسبة لي طبعا الكندر احب اي شي فيه كندر
دخلت حسابهم الانستغرام وماشالله عندهم اطباق حلو متنوعه بالكافيه
ممكن تختار مكونات الكوكيز الخاصه فيه ويسوونها مخصوصه لك جدامك
وعندهم مولتن وبان كيك
مكانهم في سيمفوني مول بالسالمية
25770718
96644875
كل الشكر عالكوكيز
كافيه حليب وهيل منزلين مجموعه جديده من الكيك للزوارات
طرشولي شيزكيك الكنافه
خوش شيزكيك الصراحة حجمها وسط تكفي ٨ اشخاص
والطبقه العلوية شعريه مع سكر كرانشي ولذيذه
هذا تلفونهم لطلبات الكيك للمنازل
25721749
كل الشكر عالشيزكيك اللذيذه
وصلتني دعوة كريمة من مطعم واسابي
التابع لشركة مركز سلطان
المطعم صار له سنين موجود بالكويت لكن للامانه ما جربته ولا مره
وهذي كانت اول تجربه لي عنده
Seafood Creamy Soup
بدينا بشوربة كريمة الاكل البحري
وااايد لذيذه الشوربه نكهه الكريمه لذييذه والربيان لذيذ
بس الدمبلينغ اللي فيها ماحبينا طعمه كان فيه زفره بالمستقبل اكيد بطلبها بدون الدمبلينغ
Raspberry & Baby Spinach With Four Spices Vinaigrete
سلطه السبانخ بالتوت
خفيفه وهليثي لربع الرجيم ما يازتلي وايد لاني افضل الصلصات الدسمه
Crispy Crab Salad
سلطه القباقب الكرسبي كان واااايد لذيييذه عجييبه
الخضار فريش والقباقب مقليه كرسبي والصلصه لذيذه انصح فيها
Rock Spicy Shrimp
الربيان هذا كان كرسبي بشكل خيااالي القرمشه رهيبه
وسبايسي حااار لازم تجربونه ربع الربيان انصح فيه
Combo Furai
تشكيله مقالي للمقبلات كانت جيده مع التغمسيات
ربيان وقباقب وسبرنغ رول
Yawata Beef Maki
دايما بالمطاعم اليابانيه اطلب رولات النيغيماياكي رولات لحم وداخلها بصل اخضر
لكن بمطعم واسابي شفت هذي الرولات نفس الفكره بس داخلها خضار مشكله
كان لذيذ واايد بس اللحم يابس شوي بس النكهه لذيذه
Crispy Crab Rolls
طلبت هالماكي اللي بدون ورقه النوري (ورقه الطحالب البحريه السودا) شخصيا ماحبها لان فيها زفره
فكانت هذي الرولات فيها عيش وقباقب وربيان
كانت جيده
Beef Teppenyaki
لذيذ هالطبق اللحم ترف وجوسي
Tempura Vanilla Ice Cream
ايس كريم مقلي وعليه رقائق كرسبي وصلصه التوت
كان حلو الطبق وخفيف
Snow Flakes Brownies
البراوني عندهم عجيييب فيه قطع كاكاو ابيض وترررف
لاتطوفكم ربع الكاكاو
كانت تجربه لذيذه في مطعم واسابي بعض الاطباق حبيناها وااايد وبعض الاطباق ماكانت على ذوقنا
في اطباق ممكن نرد نزوره لطلبها مره ثانيه من لذتها
عندهم ٤ فروع بالكويت البدع والمهبوله والافينيوز والمارينا ووك
22253112/3 وخدمه توصيل
كل الشكر واسابي وشركة مركز سلطان عالدعوة
ماماز كتشن طرشت نقصه للوالدة
كيكه اللوتس الجديدة من مطبخهم
الكيكه حجمها كبير ومرتفعه وااايد
طبقات الكيك كانت صاكه شوي من بروده الثلاجة كنت حاطتها ليله
حطيت قطعه منها ثواني بالمايكرويف لما طرت شوي
صاارت ترررفه وخياااال
طبقات كيك وبينهم الفروستنغ وكريمه اللوتس
الفروستنغ كان وااايد حالي يعني سويت بزياده
انا عن نفسي احب الشكر الزايد لكن بعض الاهل ما حبوا حلاوتها الزايده
انصح فيها للي يحب الكيك السويت واايد لذيذه :)
وشكلها حلو وايد للتقديم
كل الشكر عالكيكه اللذيذه ماماز كتشن
حسابهم الانستغرام
وهذا رقمهم للطلب
94444911
مركز سلطان ارسل لنا دعوه لحضور حفل اطلاق بوفيهات للحفلات والمناسبات
في مجمع المطاعم التابعه له في ممشى المارينا
الحفل كان شامل لكل مطاعمه ال٩ وقدموا لنا اطباق متنوعه لكل مطعم
هذي هي المطاعم
مقرمشة
مطعم شاورما وصاج
واك هاي Wok Hay
مطعم صيني اسيوي
وجربت منهم ربيان السويت اند سور كان جدا لذيييذ
Wasabi Izakaya
واسابي ازاكايا مطعم ياباني
كنت مجربتهم قبل اسبوع وكتبت عنه في هذا البوست بالرابط
Butcher’s Den
مطعم ستيكات ومشويات امريكية
Pickles
مطعم بيكلز للبرغر الامريكي والبطاط
الصمون البن عندهم ترررف خيالي بس ماحبيت نكهه البرغر كانت متروسه بهارات ومضيع طعم اللحم
Pizzeta
مطعم ايطالي شغل باستا وبيتزا
Prime and Toast
برايم اند توست متخصص بأطباق الريوق والبيض
كنت كاتبه زيارتي له بالسابق في هذا الرابط
مطعم ابو السيد
مطعم متخصص بالاكل المصري
الكشري مالهم كان خياااال
Jeans Grill
مطعم متخصص بالبوفيهات العالميه والمحليه
كانت تجربه لذيذه ومتنوعه
وهذي فكره عن ستيشناتهم ممكن تطلبونهم بالبيت يطبخون جدامكم
كل الشكر عالدعوة الكريمة
Filed under: Food, Food - American, Food - asian, Food - International, Food - middleeast, sweets Tagged: abo elsid, butchers den, pickles, pizzeta, كشري, مقرمشة, مونغوليان, مصري, ووك هاي, واك هاي, واسابي, ياباني, wasabi, wok hay, ابو السيد, اسيوي, بوتشرز دين, بيكلز, بيتزا, بيزيتا, باستا, برغر, جينز غريل, ريب اي, سويت اند ساور, ستيك, شاورما, صيني, صاج 
حضرت اول يوم من مهرجان المباركية الثاني
الداعم للانشطة الشبابية
المهرجان يضم عدد كبير من المشاركين على ٣ فترات
من ١ فبراير الى ٩ فبراير ٢٠١٥ في سوق المباركية
من ٤ العصر لي ١٠ مساءا يوميا
ماعدا الجمعه والسبت من ١٢ الظهر لي ١٠ مساءا
ما شاء الله الحضور قوي وكان المهرجان زحمه
واحلى شي الجو خياااالي بارد حلو والتمشي باجواء المباركية
وهذي بعض اللقطات اللي قدرت اصورها
كل الشكر عالدعوة
مهرجان المباركية السنه اللي فاتت ٢٠١٤
مخبز يامانوت او يامانوتي الياباني في دبي
اهو مخبز فتح اول فرع له بالامارات والشيف ياباني
يقدمون المعجنات والمخبوزات الاوروبيه بلمسه يابانيه
سمعت عنه من الاهل وقلت لازم اجرب منه
طريقته يعرضون لكم الاكل وانتوا تاخذون الصينيه وتاخذون القطع اللي حابينها بنفسكم
وعقب تعطون الغرسون الصينيه عشان يسخن لكم اللي اخترتوه ويقدمونه لكم بصحون
فكرته مثل بريد توك تقريبا لكن نوعيه واصناف الخبز اللي مقدم غير
جربنا الدونات بالشكر وهذي الثانيه بالكاكاو
كانت الدونات وااايد لذيذه
بس اللي فيها كاكاو كانت ماصخه تحتاج كاكاو زياده
فرنش توست بالسكر البودر
جيده لكن مو الافضل عندهم
صمونه البلاليط كان ودي اجربها
بس كنا مخلين مجال للغدا :)
الفكره وايد حلوه في عرض الصمون
بس عيبه كان الذبان يطير عالخبز والمعجنات كان يضايق
يبيله يسكرونه او يغطونه
الاشكال تشووووق يبيله زياره ثانيه لتجربه باقي الشغلات
ايس تي لاتيه كان غير موفق للاسف
اول مره اكل من مخبز ياباني
كانت تجربه حلوة وشغلهم ترف وعندهم افكار وايد من الصمون والمعجنات
اللي داخلها بلاليط او نودلز او كاري
والكرواسون بانواعه
عندهم ٣ فروع في دبي
وانا جربت اللي موجود في دبي مول بالسرداب تحت صوب الشلال
لونتر ماقصروا وطرشوا لنا كيكة
بمناسبة العطله
كيكة الورد بالمستكة والتركش ديلايت
شكرا لونتر عالكيكة
ستيشن صاج ريبابليك
ستيشن صاج وشاورما في البيت
ايبون عدتهم كامله من طاولات وغاز والاكل والمواعين البلاستيك الخ
هذي مو اول مره نجربه كنا مجربينه قبل سنه ونص وشغلهم مميز
من الحشوات الموجودة بالستيشن
الاجبان شيدر – حلوم – موزريلا – كرافت قلاص
لبنه – زعتر – فلافل – باذنجان – بطاط مقلي
نقانق – مرتديلا – ببروني – تركي
خضار خيار – طماط – زيتون – جرجير – مخلل
كاكاو كندر – نوتيلا – بينت بتر
الصاج عندهم ٣ انواع
ساده
احمر بالشمندر والفلفل
اخضر بالزعتر
شاورما دجاج
الكمية كانت راهيه والكل اختار اللي بخاطره
والموظفين بروفشنال وسريعين وعارفين شغلهم
والزايد حطوه لنا بمواعين قصدير كبار
خدمه ممتازه دقيقين بالوقت وسريعين بالشغل والطعم لذيييذ
من افضل ستيشن الصاج اللي مرت علي
هذا تلفوونهم للحجز والاستفسار
97530030 – 97980815
وهذا حسابهم الانستغرام
وهذا موضوعي عن تجربتي السابقه معاهم
Saj Republic صاج وشاورما في البيت من صاج ريبابليك
كل الشكر عالاكل الطيب
Filed under: Food - International, Food - middleeast, Home Business, sweets 
مطعم كريب افير مطعم فرانشايز من بريطانيا صار له اكثر من ١٠ سنين اهناك
وعنده وايد فروع ببريطانيا الحين فتح فرع في الكويت
في البدع مكانه وايد شرح وكبير المطعم وايد
لرسلولي دعوه لتجربه المنيو عندهم
المطعم يقدم الكريب المالح والحلو ويقدم الميني بانكيك هذا منيو المطعم باختصار
رحنالهم عالريوق وعندهم مجموعه لذيذه من الكريب خاص للريوق
مثل هذا الكريب
Egg Benedict Crepe
كريب داخله بيض اومليت وجبن وتركي ومن فوقه صلصه الهولنديز
كان وااايد لذيذ والكريب خفيف ولين
Margarita Crepe
كريب المارغريتا يقدمونه طول اليوم مع الطماط والريحان والكتشب
كان سويت ومالح هم حلو
والكرك طبعا للريوق لازم
وعقب طلبنا الحلو
وعندهم قهوة عربيه :)
Candy Crush Crepe
كريب الكندر والاوريو بالكاكاو البلجيكي
وااايد لذييييذ قالولي هذا الكريب الاكثر طلب عليه
الكاكاو البلجيكي عندهم طعمه وااايد حلو
قالي يستخدمون كاكاو كاليبو البلجيكي ومعروفه هالماركه بجودتها
Callebaut Belgian Chocolate 33%
Mini Pancake Stick
حق اللي يحب يطلب شي خفيف وصغير هذا خوش خيار
ميني بانكيك وفراوله وموز ومارشملو وعليه رشه كاكاو بلجيكي
بس حبيت الكريب عندهم اكثر من البانكيك
كريب افير موقعه حلو وانصح بكريب الحلو عنده مع القهوه العربيه
مكانه في البدع في منتجع رمال وبجانب منتجع موفمبيك
اشكركم عالدعوة
مطعم ماكي من اول المطاعم اليابانيه اللي انشهرت بالكويت
وقدموا لنا اطباق السوشي بنكهه تناسب ذوقنا الخليجي صار لهم اكثر من ١٠ سنين
وحاليا عندهم فرع في لندن
كانت لي زياره ل لندن قبل فتره بسيطه وكلمنا اصدقائنا عائلة ماكي ان لازم في فترة زيارتي اجرب شغلكم مايصير ارد الكويت وماجرب فرعهم في لندن
الى الان ما افتحوا المطعم لكن ماقصروا قدموا لنا من اطباقهم المشهوره لكن بشكل يختلف عن فروعهم بالكويت
المطعم في لندن في منطقه سوهو وبالتحديد في شارع دين
الشارع متروس مطاعم وحلو للتمشي
ومطعم ماكي كان طابقين قعدنا بالطابق العلوي
كالعادة الديكور راقي ونفس اجواء ماكي والخدمة ممتازه مع ان لي الحين ما افتحوا
Spicy Edamame
الادمامي السبايسي طبق موفق نبدا فيه
Crispy Salad
سلطة الكرسبي نفس اللي بفرع الكويت لكن بشكل ثاني وطعم ألذ
Fried Oysters
محار مقلي كان حامض ولذيذ
Filo Prawns Tempura
ربيان مقلي كرنشي وخفيف
Chicken Plum Sauce
دياي بصلصه سويت واايد ترف وجوسي كان جدا لذيذ
Kaifii Maki
وبما ان احنا عندهم الشيف طلع لنا كيفي ماكي اللي سووه لنا باسمنا من قبل ٣ سنوات
اللي ماجربه لازم يجرب كيفي ماكي تلاقونه بكل الفروع :)
وهذا رابط عن الطبق كيفي ماكي
Essa Maki
وهذا عيسى ماكي المشهور لكن بالشكل اللندني :)
Kappa Zume
Tartufo Yaki Udon
اودون اهو نوع متين من النودلز مع الفقع والمشروم
Tiramisu
وختمناها بحلو التيراميسو الخفييف
الصراحة كانت زياره ممتعه ولذيذه
ومكان ماكي وايد حلو في سوهو اصلا لندن بكبرها حلوة وكلشي فيها حلو
اشكر ماكي عالضيافه واتوقع لهم نجاح قوي في فرعهم بلندن
راح يفتح في شهر فبراير رسمي يعني احتمال عالاسبوع الياي
ممكن تتابعون حسابهم الانستغرام وتشوفون اذا افتحوا ويستقبلون الزباين
اذا رحتوا لندن انصحكم بغدا او عشا في ماكي اهناك :)
مع اليوم الوطني لكويتنا الحبيبه
وصلتني هالنقصه اللذيذه
دملوج
اللي ماعنده فكره شنو الدملوج اهو نوع من الحلويات عباره عن عجينه هشه وداخلها حشوة جوز ودارسين
وايد لذيذه مع الجاي والقهوه العربية
كل الشكر عالدملوج اللذيذ
متوفر الدملوج في دول الخليج بعد
الكويت والسعودية وقطر والامارات والبحرين
هذا رقمهم بالكويت
٩٧٧٦٦٩٦٠
ولمعلومات اكثر هذا حسابهم الانستغرام
لجنة ساعد اخاك المسلم ارسلت لنا دعوة لحضور السوق الخيري
كويت الخير
يوم الاثنين ١٦ مارس الى الاربعاء ١٨ مارس
في فندق الشيراتون من ١٠ صباحا لي ١٠ مساءا
كل الشكر عالدعوة والتارت
وصلتني دعوة من ادارة مجمع اي مول
وزرته بالامس في افتتاحه الرسمي
المجمع عباره عن محل واحد كبير فيه اقسام مختلفه
مثل طريقه دبنهامز وهارفي نيكولز وبلومنغ ديل داخله عده ماركات مع بعض
المجمع فيه ركن ازياء الماركات مثل رالف لورين ولاكوست
وركن رياضه مثل نايكي وسكيتشرز وركن مكياج وعطور بماركات عالميه
وركن يوريكا للالكترونيات
عندهم بعد مطاعم متنوعه لبناني وتركي وعالمي
من المطاعم اللي داخله
زيت وزعتر وكشري بايتس وسيميت سراي التركي واي كلوب
ومن الكافيهات
كافيه سوبريم وكافيه نستله وشيكيتا فروت بار ومسز فيلدز كوكيز وشوكليت كوزين
في اعلى طابق عندهم نادي رياضي للنساء وقسم اخر للرجال
وعندهم ركن للاطفال والالعاب وتسلق الجدار
ومتوفره مواقف كثيره بالسرداب
موجود المجمع في منطقة حولي مقابل مركز سلطان حولي
اذا مار منطقة حولي ممكن تمر المجمع وتستمع بالخدمات اللي يقدمونها
