وصلتني نقصه من شركه ري
شاي فيرشو منتج بريطاني
شاي مثلج بالفيتامينات ومضادات الاكسدة والمعادن
بنكهتين بالليمون والفراوله بالخوخ
ذقت شاي الفراولة طعمه حلو معتدل
حلاته بارد مع ثلج
بديل صحي للمشروبات الغازيه المضره
المواد اللي فيه والمحليات كلها طبيعيه
سعر العلبه ٧٥٠ فلس
كل الشكر عالمنتجات الصحيه
للطلب 99115662
جربنا بسبوسة بقشة في زوارتنا اللي فاتت
بقشة هو مشروع منزلي للحلويات الكويتية
كانت البسبوسة لذيذه وعليها طبقة محلبيه او قشطة مع الجوز الهند المبشور عالويهه وايد لذيذه وخفيفة
وشيرتها مضبوطة
وهذا تمر الاخلاص بخلطة بقشة
التمر مع الهرده واللوز والرهش وباقي خلطتهم شي عجيييييب
حبينااااه واايد
هذا رقم بقشة للطلب
51124876
وهذا حسابهم فيه انواع وايد من الحلو
يعطيكم العافية عالحلو اللذيذ
وصلتني دعوة لافتتاح محل الحلويات آية سويت
وهو مشروع كويتي ل عبدالله الصفار وزوجته شيماء قراشي
ديكورات المحل واايد حلوة واطباقهم السويت شكلها مغري
ضيفونا بالعصير ومع تشكيله من حلوياتهم
محل آية سويت في اسواق القرين خلف مطعم سبواي
وعندهم توصيل للبيت
99419227
ومن الحين بحجز حلو الأولكر ليوم زوارتنا :)
مشكورين عالدعوه وموفقين يارب
في ذا غيت مول فاتح مطعم جديد
مطعم ارمني اسمه عنتاب
شفت اعلانه في كافيه ديب اند ديب الظاهر نفس المالك او نفس الشركة
المطعم يقدم الاكل اللبناني على تركي
قعدتهم حلوه وخدمتهم وااايد ممتازه ومع ان زرناهم في عطله نهاية الاسبوع كانوا سريعين وبنفس الوقت الاكل حلو
شوربة دجاج
Armanian Salad
سلطة ارمنية
ضفت عليها دبس رمان كان موجود عالطاوله
Nazik
نازيك عالطريقة الارمنية
متبل باذنجان وعليه قطع لحم صغار
كان لذيذ الطبق بس يعطيك شعور مقبلات مثل الحمص باللحمه
كباب خشخاش وايد حلو
لبن عيران طعمه لذيذ بس كان حار
كنافة بالجبن وااايد لذيذه
كانت التجربه بالمطعم ممتازه
مطعم عنتاب في ذا غيت مول
Filed under: Food, Food - middleeast, sweets, tea set 
زرت محل ام اند امز في لندن
المحل منتجاته كلها على شخصيات ام اند امز من اكسسوارات وملابس وقرطاسية واكواب وغيرها
المحل ضخم فيه حوالي ٤ طوابق وسرداب
زرناه بالليل عال١١ وكان زززحمه
اخذنا تذكارات وشغلات لليهال استانسوا عليها
حبيت اللون الاسود اول مره اشوفه اسمه
Fireworks Mix
ونوع جديد بالدارك شوكليت
الكاكاو الاسود
حبيت هذا القسم تكتب على الكاكاو اسمك او تحط صورتك
والجهاز يطبعها عليه
اول شي تدفع للكاشير يعطونك الكود وبعدها بالكمبيوتر تكتب ٤ اسامي ممكن تنطبع
او ٨ اسامي اسمين بكل حبه
او صوره تكون على حبه كامله
عقب تختار لون الكاكاو اخترت الالوان اللي ابيها وبعدها نحطه بالجهاز ويطبع لنا عليه الاسم
تجربه حلوه واليهال اسستانسوا على اساميهم
عالم ام اند امز في لندن موجود بين ليستر سكوير وبيكاديلي سيركس ممكن توقفون باي محطه من هالمحطين
وبجانبهم بعد السوق الصيني اذا حابين تتعشون بمطعم صيني
قرقيعان سبيشال منزلين تشكيلة حلوة لستاندات وتوزيعات القرقيعان لرمضان
في اكثر من شكل منها بيت البومة وستاند الماكنتوش وكاميرا السيلفي وكوكي مونستر وقفص الحمامة
للاستفسار
@gerge3an_special
بالامس تم افتتاح اجدد فروع كوستا في الكويت في منطقة ابوحليفة
Sea View في المجمع الجديد سي فيو
بجانب مجمع كويت ماجيك
المجمع يضم عدة مطاعم وكافيهات حلوة ومكانهم مميز وشرح
كل الشكر لبلوق بينك غيرل عالدعوة
جربت خبز رقاق شغل بيوت من حساب الانستغرام بياعتي
رقاقهم خفييييف وهش وتررررف ولذيييذ
وحاطين بالبوكس عدة نكهات منها
رقاق الزعفران والحبة السودة والزعتر والسادة
حجم البوكس كبير والكمية راهية وحجم كل حبه رقاق كبيرة
البوكس يكفي حق يمعة ١٠ لي ١٢ شخص او ممكن اكثر
هذا تلفونهم للطلب
98092198
وهذا رابط لحسابهم الانستغرام
كل الشكر عالرقاق العجيييب
شوكوشروم مشروع منزلي للكاكاو
ارسلولي نقصه من كاكاوهم اللي على شكل المشروم
وكان داخلها فستق
للطلب
69908118
شكرا عالنقصة
سوشي كويتي منزلين علبة جديدة
وايد شكلها مرتب
السوشي اللي فيها مو مثل السوشي الياباني
لكن اهم ماخذين فكره شكل السوشي وطبقوها بعجينه ملونه مع النكهات الكويتية
شكله وايد حلو للتقديم للي يحب يقدم اكلات ميني في العزايم واليمعات
حبيت اللي على زهرة مقلية
واللي على بطاط بالجبن
ورق العنب لذيييذ وشكله يشوق
لبنة وزعتر
جبن ابيض او فيتا بالزيتون وايد لذيذ
حلوم
فلافل لبنه
سوشي نوتيلا بالمكسرات والرمان طعمه كان لذيذ بس ماينمسك بالعصي يبيله قفشه لان يسيح النوتيلا منه
تشكيلة وايد حلوه للتقديم ونكهاته حلوة في عندهم سوشي الصاج بعد
هذا رقمهم للطلب
60441872
تجربتي اللذيذة لمنتج سوشي كويتي
مشكورين عالسوشي اللذيذ
مطعم سوسايتي ارسل لنا دعوة لحضور ليلة الجاز
اللي راح تتكرر كل اربعا
المطعم في مجمع ليفلز للمطاعم في منطقه المهبولة
سلطة سنتافيه كانت جيدة
ربيان بصلصة الزبدة بالليمون
وايد لذيذ
ستيك ريب اي حجمه كبير وجوسي وذاييب
لزانيا وايد لذيذة
كيكة الهوني جيرمان
كانت حلوة لانهاء ليلتنا
المطعم يقدم اطباق متنوعة من سلطات وشوربات وستيكات وبرغر وباستات وبيتزا
يعني يرضي ذوق الكل
موجود في المهبولة في مجمع ليفلز للمطاعم
22207076
كل الشكر عالدعوة
شركة سمارت ديلز منزلين صواني من الخشب وايد حلوين حق رمضان
والمميز فيها الغطى الشفاف الاكريليك اللي فوقها يطبعون عليه اي جمله حابينها ممكن معايدة للشهر او اسم العايله
عندهم اكثر من ديزاين شفته بحسابهم الانستغرام
الغريبة بالكراميل والدملوج بالجوز لذييذين
عندهم توصيل للكويت والخليج
وهذا رقمهم
+965 55622050
وهذا حسابهم الانستغرام عندهم صواني وبوكسات اكثر لرمضان والقرقيعان
مشكورين على نقصه رمضان وايد مميزه حبيتها
صالون ليلي اند دي للاظافر دعاني لحضور قريش مجمعهم
قريش الغوالي
القريش مشارك فيه ٥ محلات من مجمع الغوالي
وقدموا لنا الحلو و القهوة وصبغ اظافر مجاني في الصالون
صالون ليلي اند دي قدم لنا بالقريش نيل بوليش مجاني
ومن اخر الانواع اللي عندهم صبغ الاظافر ماركة نوفا اللي يرووح بالغسل بالماي
محل فورجن كوكي فاكتوري للحلويات مشارك بالقريش
محل لولو قيفتس مختص باثواب الصلاة واطقم الاطفال وارواب الاستحمام وغيره
دار الزين لكفرات الولادة والمفارش
ناين افينيو لتغليف الهدايا والتوزيعات والاكسسوارات
حلو التمر وميني ميكس ستيكس من ليا سويت
حلو الدملوج من
كل الشكر عالدعوة ليلي اند دي
مجمع الغوالي موجود في شرق مقابل مجمع الراية
Filed under: Accessories, Bags, Cool Stuff, Decor, Design, Designer, Events, Exhibition, Fashion, Food, Fun, Furniture, Home Business, Jewellery, Make Up, Nails, sweets, tea set 
محل بيك ماي داي طرش لنا قريش رمضان
اللي ماعنده فكره عن القريش اهو الايام اللي قبل رمضان نحتفل فيها ونتيمع عند الاهل او الاصدقاء لنبارك بالشهر وطبعا بوجود الاكل :)
طرشوا لنا تشكيلة من حلوياتهم وموالحهم
ما شاء الله الكميات راهية وتقديمهم مرتتتب ويفتح النفس
بلح الشام
كرنشي مقرمش ولذييذ
نوعين من اللقيمات
لقيمات بدبس التمر ولقيمات بالشيرة
طعمهم عجيييب وحتى الوالد اللي ذوقه صعب بالحلو عجبوه اللقيمات وايد
سندويشات ميني بحشوات متنوعة
كل نوع ألذ من الثاني
جربت التركي والروست بيف والباذنجان كانوا لذيذين
وباقي الاهل جربوا باقي الانواع والكل مدح
روست بيف وتركي
حلوم
فلافل وايد ناطعة
بسبوسة الفستق بالقشطة
مادري اهي كيكة او بسبوسة بس طعمها بسبوسة بالنسبة لي
ترررفه وليينه ورطبة مو ناشفة وحجمها كبييير حبيتها وايد
الصراحة كان خوش قريش قبل رمضان مع تشكيله حلوياتهم وموالحهم
وعندهم اطباق ثانية تلاقونها بمحلهم في منطقة شرق تحت عمارة نيشان مقابل برج الحمرا
وعندهم بوث في جمعية الفيحاء
وهذا رقمهم للطلبات
99992725
يعطيكم العافية بيك ماي داي عالحلويات والموالح اللذيذة
Filed under: Food, Food - middleeast, sweets 
كافيه حليب وهيل ارسل لنا نقصة رمضان
البوكس فيه بسبوسة بالقشطة ودرابيل وخبز رقاق بالزعتر وخبز رقاق بالزعفران
حلو كنقصة للزوارات والعزايم
تقدرون تختارون اي نوع كيك من عندهم وايي معاه الدرابيل والرقاق
الدرابيل وخبر الرقاق
البسبوسه بالقشطة كانت جيدة
تشكيلة من الرهش بالكاكاو والفستق والبسكوت
كل الشكر كافيه حليب وهيل عالنقصة
وهذا رقمهم لطلبات البيكري
25721749
ديزيرت تيبل مشروع منزلي للحلويات
متخصص بالجيز كيك بانواعه
طلبوا مني اختار نوع من جيزكيكهم ولما دخلت حسابهم احترت شنو اختار
كل نوع شكله الذ من الثاني
عندهم شيركيك الكندر والكنافه والبيري وكيكه القرع والفستق و و و و
Pomegranate Cheesecake
اخترت شيزكيك الرمان
وايد لذيذه الشيزكيك مطبوخه بالفرن افضلها شخصيا عن الشيزكيك الباردة
وطبقه الرمان فوق لذيييذه صايره حامض على سويت كملت النكهه
Marshmallow S’mores
وارسلولي بعد علبه مارشميلو سمورز
خفيييييف ولذييييذ
طبقه بسكوت فيها كاكاو وعليها مربع مارشملو ترررف
ومكرمل محروق من فوق
جدددا لذيييذ
الصراحة طعم لذيذ وشكل تقديم راقي وتغليف مميز
حبيت شغلهم وانصح اللي يبي كيك او حلو قهوة يجربهم
وهذا رقمهم للطلب
99296278
كل الشكر عالحلو الرااائع
ووبي باي من المشاريع الكويتية اللي شغلهم جدا لذيذ ومميز
مع هبه فراولة الكاكاو بالكويت
نزلوا لنا ووبي باي بالفراوله والتوت والكاكاااااو شي لذييييذ وخطيييير
المشاريع الثانيه تكون فراولتهم حلوه بالكاكاو لكن مشكلتهم بالكوكيز او الكيكه اللي تحت الفراولة
دايما طعمها للاسف مو حلو وماينوكل اكل الفراوله واقط الكوكيزه
لكن الحين مع ووبي باي
الفراولة والووبي اللي تحتها عجييييييب شي لذيييذ
اللي مو مجرب الووبي
اهي جامعه بين الكيك والكوكيز
ترررفه ولذييييذه
ووبي التيراميسو
ووبي الكاكاو بالفراولة بالكاكاو خياااالية
كاكاوهم طعمه جالكسي او آرو
ووبي الريد فلفيت بالتوت والكاكاو
ووبي القرع وعليها حبة بيكان وصوص الكراميل
عجيييبه طعمها بالضبط مثل كيكه القرع
وخاتمين عليها عيدكم مبارك للعيد
علبه العيد ما شالله مرتبه بالورد الجوري
كل الشكر عالووبي اللذيذ
راح يكون اختياري اذا اشتهيت فراوله بالكاكاو او كيكه القرع
شكله عجيب للتقديم وطعمه فريش ولذيذ
هذا حسابهم الانستغرام
وهذا رقمهم للطلب
55500303
مواضيع سابقة
Whoopie نكهات ووبي الرمضانيه الجديده
وصلتني دعوة من ديب ان ديب لزيارة فرعهم الجديد في مجمع ديسكفري
ديب ان ديب كافيه مشهور لتقديم اطباق الحلو وخاصه بالكاكاو
كاكاوهم لذييذ بلجيكي من الذ الكاكاو اللي ذقته الصراحة
ضيفونا بالقهوة العربية
شي اساسي مع الكاكاو يكسر الحلا
Strawberry Stick
ستك الفراولة بالكاكاو
الذ فاكهه مع الكاكاو لازم تجربونها
Waffles
وافل ديب ان ديب مع تشكيله فاكهه
بس مثل ماقلت الفراوله الذ شي مع الكاكاو حبيته اكثر من الموز والاناناس والكيوي
الوافل جدا لذيييذ مستوي وصاير مثل الكيكه طري ومع الكاكاو يصير مو طبيعي :)
chocolate crepe
مشهورين بالكريب ويحطون فيه حشوات
انصح بالساده بدون حشوه او مع مارشملو او بسكوت دايجستف الذ ٣ خيارات
في عندهم نكهات ثانيه بالكوكيز او البراوني او الكرسبي بس مافضلتهم
Crunchy Ice cream
ايس كريم تحت وفوقه رايس كرسبي كورن فليكس وعليه الكاكاو السايح
من الذ الاطباق عندهم تستمتع بالايس كريم اللي يكسر حلاوه الكاكاو والكورن فليكس المقرمش
Moca Frabe
موكا بارد وايد لذيييذ طعم القهوه السويت المثلجة
اشكر ايونيلا واداره ديب ان ديب عالدعوة
وجهتي اذا اشتهيت كاكاو اصلي من افضل الكافيهات
والخدمة وااايد افضل من السابق سرعه في اخذ الطلب وتقديمه
حاليا بالكويت في ٧ فروع
وفتح في دبي فرعين وعندهم بالعين وفي ابوظبي
وفي قطر وعمان بعد
وصلتني دعوة من مطعم ذا غاذيرنغ بيسترو
لتجربة القائمة الجديدة للمطعم
كان الايفينت بالامس
اخترنا بعض الاطباق الموجودة في القائمة الجديدة
بدينا بالموهيتو
كان طعمه عادي جدا
Mushroom Soup
شوربة المشروم
المشروم مفروم وفريش كانت لذيذة
Greek Yogurt Soup
شوربة الروب اليوناني
اول مره اجرب شوربة روب
وطعمها بالضبط مثل صلصه كبة باللبن او كوسا باللبن
وايد حلوه
Loaded Wedges
بطاط ودجز بالصلصات والجبن
كان عادي جدا مافيه شي مميز
Sesame Prawn Toast
ربيان مفروم على قطع توست مقلية
وااايد لذيذ وخفيف انصح فيه
Risotto cakes
كيك الريزوتو ما حبيته
Iced Parmesan Salad
سلطة البارميزان المثلج
كان السلطة مميزه وغير عن اللي تعودنا عليه
مع السلطة كره ايس كريم من البارميزان وجبن ماعز مقلي
مع البلسميك لازم تطلبونها
Penne Arabiatta
معكرونه بصلصه الطماط السبايسي
حلوه لمحبي باستا البنه
T Burger
برغر مع توست ونوعين جبن وصلصه سويت
كانت جيده بس دسمه وايد التوسته متروسه زبده
Caramel Profiteroles
خفيييييف وعجييييب
كرات مثل الاكلير محشيه قشطه ومغرقه بصلصه قيمر وكراميل واايد لذيذة
نسيت اسم الطبق بس اهو عباره
عن توسته وعليها نوتيلا حاااره
طعمها حلو بس عادية لانها بس توسته ونوتيلا سايح
اول مره اجرب مطعم غاذيرنغ مكانهم وايد حلو وشرح
والخدمة ممتازه والاكل كواليتي ولذيذ
حبيت بعض الاطباق وممكن ارد له بالمستقبل عشان اطلبهم مره ثانية
مكانهم مجابل مجمع الصالحية – يعني تصفط بمواقف الصالحية
وهذا رقمهم
22449091
كل الشكر عالدعوه والاكل الطيب
