مطعم كريشن برغر في اسواق القرين
منزلين منيو جديد وارسلوا لي دعوة لتجربته
المطعم يقدم البرغر الامريكي مع المقبلات والسلطات والحلويات الخيارات عندهم متنوعه والمنيو كبير
زرتهم في اسواق القرين مكانهم مجابل لولو هايبر عند غيت ٢ من ورا صاير
المطعم صغير فيه طاولتين يفضل تاخذون الاكل سفري او ممكن توصيل
بدينا بسلطة الكينوا والجرجير والافوكادو مع صلصه دبس الرمان وااايد لذيذه وخفيفه وفريش
ربيان الدايناميت بصلصه السيراتشا هوني بافلو وايد لذيذ وحرارته معتدلة
كيلير فرايز
بطاط كرسبي وعليه الجبن والصلصات عجيب البطاط صج كيلير
عندهم تشكيله برغر بالحجم الكبير
بس حبينا نجرب السلايدر عشان نذوق اكثر من نوع
برغر ودياي مقلي ودياي مشوي وبرغر كينوا نباتية
الصمون اللي يستخدمونه بوتيتو بن وااايد ترف ولين خفيييف وفريش
حبينا المشروم برغر وايد لذيذه وخلطتها عجيبه
والدياي المقلي كانت كرنشي وجوسيه
برغر الكينوا لمحبي الفيجيتيريان
وختمناها بطبق ساره لوتس
كان الحلو خياااالي خفييييف وفلااافي وبينهم كندر ولوتس ومن فوق الرهش
طبق ناجح لازم تجربونه عندهم
مشكورين عالدعوة وبرافو عالمنيو الجديد وايد لذيذ
مطعم كريشن برغر في اسواق القرين مجابل لولو هايبر عند بوابه ٢
عندهم في موقع طلبات وتوصيل للبيت
Delivery
66613352
22205094
Filed under: Food, Food - American, sweets Tagged: aswan alqurain, avocado, burgers, cloud bun, creation burger, crispy, fries, killer fries, lulu hyper market, mashroom, messy burger, potato bun, quinoa, qurain, rocca, sliders, كريشن برغر, لولو هايبر, مطعم, القرين, امريكي, اسواق القرين, برغر, بطاط, سلايدر 
